Tronditja dhe dhimbja vazhdojnë të përshkojnë familjen Prendi pas ngjarjes së rëndë që ndodhi më 17 prill në fshatin Pllanë të Lezhës. Gjatë një atentati të rëndë pranë lokalit të tij, u vra 64-vjeçari Gjovalin Prendi dhe i biri i tij. Familjarët kanë dhënë dëshmitë e para dhe kërkojnë drejtësi nga institucionet ligjzbatuese.
Viola Prendi, e bija e viktimës, ka përmendur publikisht emrin e personit që sipas saj qëndron pas këtij akti të rëndë kriminal. “Babain dhe vëllain mi vrau Ardian Gjeloshi!”, tha ajo në një deklaratë për mediat, duke e bërë apel të fortë organetve të drejtësisë.
Sipas Violës, familja ka ndjerë mungesën e reagimit të duhur shtetëror dhe është angazhuar vetë për të nxjerrë në pah të vërtetën. “Kërkoj që të vihet drejtësi për kushërinjtë e mi, vëllanë tim, babanë tim. Të gjenden autorët, të kapen dhe të marrin dënimin e merituar,” shtoi ajo me emocione të forta.
Ndërkohë, Policia e Lezhës dhe Prokuroria e Rrethit kanë nisur hetimet dhe po analizojnë provat e mbledhura në vendngjarje. Kamerat e sigurisë, dëshmitë dhe gjurmët balistike pritet të ndihmojnë në identifikimin dhe kapjen e autorëve.
Ky rast ka ngjallur reagime të shumta në opinionin publik, pasi përplasje të tilla të dhunshme mes familjeve në zonat rurale janë kthyer në shqetësim serioz social. Për më tepër, fakti që emrat përmenden publikisht nga familjarët, vë më shumë presion mbi institucionet që të veprojnë me shpejtësi dhe transparencë.
Familja Prendi kërkon vetëm një gjë: drejtësi dhe zbardhje të plotë të ngjarjes.
