Dy ndeshje u zhvilluan të mërkurën në mbrëmje në NBA, por gjithë vëmendja ishte te përballja në Kaliforni, ku Los Angeles Lakers u eliminuan nga Minnesota Timberwolves pas një humbjeje 103-96 në shtëpinë e tyre. Kjo ishte humbja e katërt në pesë takime për Lakers, që mbyllin kështu një sezon zhgënjyes, ndërsa Minnesota kalon për herë të parë pas shumë vitesh në gjysmëfinale të konferencës Perëndimore.
Ndeshja ishte e luftuar deri në sekondat e fundit, por Timberwolves arritën të tregojnë më shumë qartësi dhe vendosmëri në momentet kyçe. Shkëlqeu francezi Rudy Gobert në repartin difensiv, duke mbyllur hapësirat për rivalët dhe duke koleksionuar një numër të madh kërcimesh e bllokimesh.
Nga ana tjetër, Lakers nuk ishin në nivelin e pritshëm. LeBron James nuk arriti të mbajë mbi supe ritmin e skuadrës, duke shënuar vetëm 22 pikë me përqindje të ulët realizimi. Edhe Donçiç, që shihej si një nga yjet që do bënte diferencën në këtë seri, zhgënjeu ndjeshëm, me lojë të paqëndrueshme dhe vendime të diskutueshme në momente kyçe.
Ky eliminim ngre pikëpyetje serioze mbi të ardhmen e Lakers, një ekip me pretendime të larta, por që nuk po gjen vazhdimësi në sukses. Në të kundërt, Minnesota duket se është në rrugë të mbarë për të ndërtuar një skuadër konkurruese, duke u mbështetur në disiplinën dhe balancën mes mbrojtjes dhe sulmit.
Në takimin tjetër të mbrëmjes, rezultati nuk solli befasi, por eliminimi i Lakers padyshim që dominoi titujt dhe reagimet pas ndeshjes. NBA po shkon drejt fazave vendimtare dhe surprizat deri tani nuk kanë munguar.
