Në një ndër reagimet e tij të fundit në rrjetet sociale, kryeministri Edi Rama ka theksuar rëndësinë thelbësore që ka pasaporta evropiane për shqiptarët, jo si një mjet për të ikur, por si një simbol i dinjitetit të barabartë në familjen evropiane. Sipas tij, anëtarësimi në Bashkimin Evropian duhet të shihet si një hap emancipues për qytetarin shqiptar, i cili shpesh herë ndjehet i përjashtuar apo i trajtuar ndryshe në kufijtë e Evropës.
Rama thekson se pasaporta evropiane është çelësi për të qenë i barabartë me qytetarët e tjerë të BE-së, nga e drejta për të udhëtuar pa pengesa, tek e drejta për të studiuar dhe punuar në kushte të barabarta në çdo vend të Evropës. Ai përmendi se studenti shqiptar që ndjek studimet në një shtet anëtar të BE-së, do të gëzojë të njëjtat të drejta si bashkëmoshatarët e tij vendas, ashtu si dhe punëmarrësi që kontribuon në tregun evropian të punës.
Më tej, kreu i qeverisë shprehu bindjen se integrimi evropian i Shqipërisë është plotësisht i realizueshëm brenda kësaj dekade, nën drejtimin e Partisë Socialiste dhe me mbështetjen e qytetarëve. Ai shtoi se vetëm nëpërmjet kësaj rruge, Shqipëria do të arrijë të ulet si e barabartë në tryezën e Bashkimit Evropian, duke realizuar një ëndërr historike të shumë brezave shqiptarë.
Rama ftoi qytetarët të votojnë alternativën e PS më 11 maj, si një zgjedhje për të ardhmen evropiane të vendit dhe për konsolidimin e të drejtave dhe dinjitetit evropian për çdo shqiptar.
