Nga qelia ku po vuan dënimin për vrasjen brutale të 22-vjeçares shqiptare Ilaria Sula, Mark Simson ka dërguar një letër të ndjerë prindërve të saj, Flamur dhe Gëzime Sula. Në këtë mesazh, ai kërkon ndjesë për aktin që e cilëson si një “krim mizor” dhe shpreh keqardhje të thellë për dhimbjen që u ka shkaktuar familjarëve të vajzës.
Letra e tij është shkruar me dorë, çka nënkupton një përpjekje për ndjeshmëri personale dhe reflektim. Ai pohon se vuan çdo ditë për ato çfarë ka bërë dhe thekson se qëndrimi në qeli i shërben si dënim por edhe si kujtesë e përhershme e vuajtjes që ka shkaktuar. Simson shprehet se nuk kërkon falje, sepse e di që vepra e tij është e pafalshme, por dëshiron të tregojë pendesë dhe përgjegjësi.
Familja Sula nuk ka bërë ende një deklaratë publike pas marrjes së letrës, por ngjarja ka tronditur opinionin publik, jo vetëm për mizorinë e krimit, por edhe për reagimin e vonuar të autorit. Ndërkohë, avokatët e Samsonit thonë se letra është një përpjekje e parë për të nisur një proces reflektimi dhe rehabilitimi emocional.
Ky rast tragjik ka hapur edhe një debat më të gjerë mbi dhunën ndaj grave dhe domosdoshmërinë e ndërhyrjeve parandaluese në raportet e dhunshme. Shoqatat për mbrojtjen e të drejtave të grave kanë kërkuar që institucionet të angazhohen më seriozisht në identifikimin e rasteve me rrezik potencial.
Pavarësisht letrës, dhimbja e familjes së Ilaria Sulës mbetet e pamatshme. Dënimi ligjor i kryerësit nuk e zbut dot humbjen e një jete të re që u ndërpre mizorisht.
