Pas ndarjes së tyre të përfolur, Jennifer Lopez dhe Ben Affleck janë përfshirë në një konflikt të ri, kësaj here për shkak të një prone luksoze me vlerë prej 68 milionë dollarësh në Beverly Hills. Burime të afërta me çiftin tregojnë se mosmarrëveshjet mes tyre janë përqendruar në mënyrën e trajtimit të shitjes së rezidencës, e cila qëndron në treg prej gati nëntë muajsh pa arritur ende të shitet.
Sipas mediave amerikane, Ben Affleck po bën presion që të ulet çmimi i pronës për ta shitur sa më shpejt, duke qenë se ai kërkon të mbyllë këtë kapitull të jetës sa më shpejt të jetë e mundur. Ndërkohë, Jennifer Lopez thuhet se është më e rezervuar mbi këtë akt, duke qenë se ajo beson se prona ka vlerë më të lartë dhe nuk dëshiron të bëjë kompromis vetëm për hir të shpejtësisë.
Rezidenca, e cila blerë në vitin 2023, përfshin më shumë se 12 dhoma gjumi, pishinë, kinema private dhe ndodhet në një nga zonat më elitare të Los Angelesit. Ajo ishte pjesë e planit të tyre për të ndërtuar një jetë të përbashkët pasi ribashkimi i tyre në 2021 tërhoqi vëmendjen botërore.
Ky konflikt nënvizon sfidat që ndjekin çiftet e famshëm jo vetëm në aspektin personal, por edhe në menaxhimin financiar të pasurive të përbashkëta pas ndarjes. Ekspertët e pasurive të paluajtshme theksojnë se depresioni në treg dhe çmimet e larta e bëjnë edhe më të vështirë shitjen. Me gjasë, ky mosdakordim do të ndikojë më tej në raportet mes tyre, edhe pse të dy janë përpjekur të ruajnë një qëndrim civil në publik.
