Mbrojtësi i Interit, Stefan de Vrij, ka folur pas humbjes së rëndë 3-0 ndaj Milanit në gjysmëfinalen e Kupës së Italisë, një rezultat që ka lënë shumë dëshpërim në kampin zikaltër. Ai e pranoi se kjo është një eliminim që dhemb, pasi kjo Kupë ishte një nga objektivat kyç të sezonit për Interin.
“Ne filluam shumë mirë, krijuam disa raste të pastra për të shënuar, por për fat të keq nuk arritëm ta fusim topin në rrjetë,” është shprehur De Vrij pas ndeshjes. “Ata shënuan në mundësinë e parë që patën dhe kjo na penalizoi shumë. Në fillim të pjesës së dytë erdhi goli i dytë dhe gjithçka u komplikua edhe më shumë.”
De Vrij nuk kërkoi justifikime për paraqitjen, por theksoi nevojën për reflektim dhe rikuperim të shpejtë mendësie për ndeshjet e mbetura. Ai gjithashtu vlerësoi cilësitë e Milanit, por nënvizoi se Interi ka potencial për të reaguar.
Kjo humbje vjen në një periudhë të rëndësishme të sezonit, kur çdo ndeshje ka peshë në objektivat e mëdhenj si titulli kampion dhe Ligën e Kampionëve. Për Interin, mungesa e suksesit në Kupën e Italisë është jo vetëm një goditje në aspektin sportiv, por edhe motivues, duke sjellë një detyrim të fortë për të treguar reagim.
Përkrahja e tifozerisë dhe bashkimi i skuadrës do të jenë vendimtare në javët e ardhshme. Interi duhet të rikthehet me vendosmëri në fushë dhe të provojë se kjo disfatë nuk do ta përcaktojë fundin e sezonit të tyre.
