Xhevdet Zekaj, zyrtari i klubit Egnatia, reagoi pas hedhjes së shortit për Final Four-in e Superiores, ku skuadra nga Rrogozhina do të përballet me Partizanin në gjysmëfinale. Në një prononcim për media, Zekaj theksoi se Egnatia do të hyjë në kompeticion me ambicie të qarta për titullin kampion dhe se klubi është i mobilizuar maksimalisht për ta përfaqësuar me dinjitet qytetin.
“Klubi funksionon dhe ka të gjitha strukturat e tij të qarta. Si një zëri i Egnatias, jam këtu për të shprehur qëndrimin zyrtar të klubit. Objektivi është i qartë: do të luajmë denjësisht për titullin kampion. Nuk kemi ardhur në këtë pikë për të qëndruar thjesht në histori apo për të plotësuar kalendarin,” deklaroi ai.
Duke komentuar përballjen me Partizanin, Zekaj vlerësoi forcën e kundërshtarit, por nënvizoi se besimi brenda grupit të Egnatias është i lartë. “Kemi përballë një skuadër me emër si Partizani, por Egnatia ka treguar gjatë gjithë kampionatit që është e denjë për këto ndeshje. Stafi, lojtarët dhe gjithë struktura është përgatitur për këtë fazë vendimtare.”
Zekaj vuri në dukje edhe rëndësinë historike të këtij suksesi për klubin dhe komunitetin rrogozhinas. Për herë të parë në historinë e saj, Egnatia ndodhet në mesin e katër më të mirave dhe ka shansin real për të synuar trofeun më të rëndësishëm të futbollit elitar në Shqipëri.
Përfundimisht, zyrtari i klubit theksoi se përkushtimi do të jetë maksimal dhe se ata do të japin gjithçka në fushë për të përmbushur ëndrrën e tifozëve. “Jemi këtu me meritë dhe do të japim më të mirën për të shkruar historinë tonë.”
