Detaje të reja kanë dalë në dritë në lidhje me ngjarjen tronditëse që ndodhi mbrëmjen e 17 prillit në Tiranë, ku një atentat i armatosur la të plagosur një 11-vjeçar. Djali, i identifikuar si Dior Demiraj, ndodhet aktualisht në një gjendje shëndetësore stabël dhe po trajtohet në një nga spitalet e kryeqytetit.
Sipas burimeve mjekësore, pavarësisht plagëve të marra, parametra të tij jetësorë janë të qëndrueshëm. Megjithatë, duke marrë parasysh moshën e tij të re dhe nevojën për një trajtim më të specializuar, është marrë vendimi për ta transferuar atë në Romë. Ky vendim ka ardhur pas vlerësimeve të stafit mjekësor, i cili mendon se në një qendër më të avancuar mund t’i ofrohet një kujdes më cilësor dhe rekuperimi më i shpejtë.
Familjarët e 11-vjeçarit janë në kontakt të ngushtë me autoritetet shëndetësore shqiptare dhe ato italiane për të siguruar kushtet optimale gjatë transferimit dhe qëndrimit të tij jashtë shtetit. Ndërkohë, policia ka nisur hetimet për ngjarjen në fjalë, duke u përqendruar te pistat e mundshme të atentatit dhe identifikimi i autorëve.
Ky incident i rëndë ka ngjallur reagime të shumta në opinionin publik, veçanërisht për faktin që një fëmijë u bë viktimë e dhunës në një vend që duhej të ishte i sigurt për të gjithë. Institucionet janë të thirrura të rrisin sigurinë publike dhe të garantojnë drejtësi për të miturin dhe familjen e tij.
Ndërsa Dior përgatitet të udhëtojë drejt Italisë, qytetarët shpresojnë në një rikuperim të shpejtë dhe hetime të plota mbi këtë ngjarje të rëndë.
