Një tjetër përmbysje në jetën personale të Gerard Piqué: ish-mbrojtësi i Barcelonës, 38 vjeç, është ndarë nga partnerja e tij, Clara Chía Marti, 26 vjeçe. Lajmi u përhap shpejt në mediat spanjolle, ku gazetarja e njohur Adriana Dorronsoro e konfirmoi ndarjen në emisionin televiziv “Vamos a ver”.
Mësohet se arsyeja kryesore që çoi në këtë ndarje lidhet me tensionet e përsëritura në marrëdhënien e tyre, të nxitura nga presioni mediatik dhe presionet personale. Sipas burimeve pranë çiftit, Clara Chía, e cila u vu në qendër të vëmendjes që pas zbulimit të lidhjes së saj me Piquén – lidhje që solli fundin e martesës së tij me këngëtaren kolumbiane Shakira –, nuk arriti të përballonte trysninë e pandërprerë të mediave dhe kritikave publike.
Nga ana tjetër, burime pranë ish-futbollistit sugjerojnë se Piqué, i mësuar me jetën e ankthshme të famës, nuk gjeti dot ekuilibrin midis karrierës së re në biznes, impenjimeve personale dhe kërkesave të reja emocionale të lidhjes së tij. Këto faktorë sollën një ftohje graduale dhe, më pas, ndarjen.
Nëse deri tani Clara shihej si partnerja që e ndihmoi Piquén të kapërcente periudhën e vështirë pas ndarjes nga Shakira, kjo histori dëshmoi se presioni publik dhe sfidat personale ishin më të forta se sa pritjet dhe ndjenjat. Aktualisht, Piqué është fokusuar tek projektet e tij profesionale, ndërsa Clara po përpiqet të rikuperojë privatësinë dhe qetësinë e jetës së saj larg skenës mediatike.
